Skip to main content

Nog 'n fees van 'n dag vir ons gegun!

Op hierdie koue,nat grys dag in die Kaapse winter, is ek dankbaar vir nog 'n dag in my lewe! Eintlik is dit heerlik warm hier in my hart.... en dis die Here se blessings'en genade wat onderliggend is aan alles wat my vandag gelukkig maak!       Ek is gesond, spekvet en rond, daar's nuwe lewe in die oggendstond!! Ek so pas die wonderlike boekie van my kerk VOLG JESUS vertaal in Engels en dit voel goe om dit te kon doen!! Dankie Ma dat jy my Engels altyd so "gepush" het..... vandag pluk ek die vrugte.

Nou eers 'n gedig om die dag op te vrolik: ( en dit gaan oor ek nie meer so alleen voel deesdae nie... hierdie is een Vrydag geskryf:

Vrywees op Vrydag

 Hier sit ek en mor
Ek is ‘n enkeling tor.
Wens ons was twee
Om vriendskap te smee.
Nou sat om verleë
te wees en te wag,
ek gaan begin lag
en sommer nie sag
het nou nuwe krag

ek gaan doen,en miskien soen
dit gaan my nie meer keer
na die waters- rivier of see
en dis nie meer  so seer
om so alleen te verkeer!

Comments

Post a Comment

Popular posts from this blog

Sports met 'n glaskas ryding...

My oppe en affe met die glaskas ( lees hysbak) Hier waar ek 'n viervlakkige huis met twee hondjies en die inwonende huishulp bly , is daar nou daagliks 'n ding in my lewe wat my amuseer ...en frustreer !  Sien, die leefarea -kombuis en tv-kamer is op vlak 2 en my slaapkamer met balkon is op vlak 4...en dan is daar ook vlak 3 waar jy kan kom tot by die  hoofslaapkamer ...en dan  - o genade is daar 'n diep donker gat waar die garage en laundry is op vlak G . Kyk mens kla nie oor vier vlakke as jy nie hoef gladde swart kliptrappe te klim nie, en dan ook nog 'n uitsig op Tafelberg en die stad het terwyl jy in die  glaskas ry!! Nou, as leek in so 'n huis, het dit my nogal 'n ruk gevat om al die hysbak se nukke en grille uit te pluis...die eerste dag na ek óp na vlak 4 is om my goedjies te gaan neersit, toe wil ek weer afgaan na waar ek was, en druk so ewe G vir grondvlak.. maar wat toe gebeur is dit ...ek ry verby die woonve...
1 comment
Read more

Lig in die Tonnel

O p 'n onskuldige Dinsdag in die Sep-lente van die Kaap is ek nog om 9.20 in die kooi! ( vir die oningeligtes -die bed) . Skande want die son sukkel om uit te kom en die voëls sing lustig - dit in skrille kontras met my gemoed ( dalk net change of season blues?). Al wat help ,wanneer ek uiteindelik surface is om d.m.v my stiltetydboeke myself na Jesus se voete te sleep. .... en dan na die lees van die boeke, met die titels "Love that will not let you go", Streams in the Desert,, Asemskep-oomblikke met my kat, Saphera   wat haarself lê  en was,en die wete dat ek in Sy sorg is, voel ek bietjie meer myself ... en kan ek weer begin met " My Festive Journey...!"
Post a Comment
Read more

Hoe kry ek terugvoering oor wat ek skryf?

Dis 'n sopnat en koue dag in die Kaap- ek so pas terug van die pragtige Bishopsskool waar my kleinkind rugby gespeel het- ek in my dik rooi baadjie en rooi mus- hy kon my nie eintlik mis nie! Ja en nou is ek in my yskas van 'n huis, met 'n kombersie om my bene en 'n serp om my nek.... en ek wil so graag kommunikeer maar al die drade en konneksies is stil- te stil vir so 'n grys dag. Maar wag ,my lewe is mos 'n Fees en net ek kan dit so maak. So nou vir 'n lekker bekervol warm sjokolade, en weer my sëeninge tel!! Ek het heelwat gedoen in die week vandat ek terug is van my heerlike vakansie in Gauteng. Die liewe Gauteng met al my hartsmense... Ek het fotos afgelaai en op Facebook gesit,ek het dankie-eposse gestuur en van my nuwer gedigte getik- ek het gaan werk, ek het tww nuwe groepe van die U3A wat ek gaan fasiliteer nl Klassieke musiekwaardering, en 'n speletjies aand op een Vrydag in 'n maand . Dan doen ek ook 'n Kreatiewe Afrikaanse groep. Wan...
Post a Comment
Read more