Ek sit in a amper-herfs sonnetjie met 'n briesie deur my venster wat wil-wil vra vir 'n truitjie- dis heerlik en soet-stil... net die voëls wat kwetter en sing hier in die bome en die ligte gerinkel van die "wind-chime"
Ek is besig met die Here - met Sy woorde en Sy waarhede, sy liefdevolle alwetende vermanings en direktiewe... en toe kom Vredelust ( my kerk) se dagstukkie deur op my selfoon.
Die opskrif is - Jou Roetekaart vir 2015.
( Wel enige iemand wat my ken , sal weet die woord "roetekaart" sal my altyd laat regop sit..omdat ek so lief is vir reis-dinge)
Die vrae in die stuk het my opgewonde gemaak en dadelik wou ek die vrae beantwoord maaar nie voor ek so bietjie gedink het en bestek opgeneem het nie ! Besef toe dit gaan tyd verg , en met 'n skietgebed van dankie dat ek tyd het vanoggend , besluit ek om vinnig 'n koppie tee te maak vir die saamsit met die Here.
Mmm - lekker! So rustig in die sonnetjie oor ''n koppie tee. Die vrae is :
Wie is jy? Waar kom jy vandaan? Hoe ver trek jy op jou reis? en Hoe voel jy oor daardie punt in jou lewe waar jy jou tans bevind?
So - wie is ek?
Ek is 'n volgeling van Jesus - Sy kind wat baie op Hom steun vir krag en moed en leiding. Hy is my Vader, my Redder en my Voorsiener. Ek is oneindig dankbaar dat ek Hom in 1992 ontmoet het in in my hart ingenooi het ! Sedertdien dra Hy my as alleenvrou, moeder, ouma, broodwinner en vriendin.
Waar kom ek vandaan?
Ek is ook in sonde gebore, grootgeword in 'n goeie maar nie aktiewe Christen huis nie.Ek weet egter dat my Vader my geskep het as 'n mens met baie gawes en talente- sommige selfs nou nog nie tot volle wasdom gekom nie. Ek het geweet van Jesus maar eers tydens die swaar van 'n egskeiding het my verhouding met Hom begin, en soos hulle sê "I have never looked back...."
Ek kom uit 'n jong lewe as kerklidmaat d.m.v katkisasie en aanneming, maar het eers baie later as deel van 'n Metodiste kerk die Here aanvaar as my Redder en deur Sy liefdevolle voorsiening oor jare, en my geestelike tuiste, Vredelust het ek gegroei totdat ek my nou as deel van Sy Bruid sien.
My stiltetyd het verdiep en toegeneem. Ek is deel van Sy familie beide in die kerk en in my selgroep/huiskerk. Ek voel die warmte en die omgee van my Christen -familie( en het hoeka maar min bloedfamilie) en ek praat met ( en skryf vir die Here) in gebed elke dag. Ek kan getuig van Sy liefdevolle optel van my - Sy rigting gee - Sy genade !
Hoe voel ek oor waar ek is op my reis ?
- Ek is bewus dat ek tot meer in staat is as dit by aksie/bediening kom. Ek bid dat die Here my talente sal gebruik. Ek wil toetree tot die stryd en my reis met Jesus betekenisvol maak.
- Ek wil ook nog stiller word en luister vir Sy stem - ek wil meer tyd by Sy voete deurbring.
- Ek wil wegbreek van die wereldse oppervlakkigheid - die materiele gejaag..
- Al ervaar ek by tye Sy vrede en vreugde, wil meer doen om soos Jesus te reageer op my omstandighede met my familietjie.
- Ek wil vereenvoudig ( simplify) en bewustelik lewe met Jesus as voorbeeld.
Nou is my Vrydagoggend verby en gaan ek met 'n gemoed vol vreugde na my middag-werk toe !
Comments
Post a Comment