Rustig? want dis Sondagmiddag waar ek weereens alleen - maar nie eensaam - kuier op my liggeel sagte sofa met vintage kussings wat my koester. Ek groet die nuwe seisoen ; die ritseling van die Bouganvillea takke roer op my klein systoepie waar die deure darem nog kan oopstaan vir die ietwat yler herfson.
Ek is bly oor die son want die wintergrou le voor en in my gedagtes draal ek na die reen wat wat ons so nodig het, na sambrele wat omdop in die Kaapse wind, na die begeerte vir enige iets knus en warm en vertroostend.... soos bekers warm sjokoladedrankies, pantoffels, jou warmwatersak en oorgooikombersies wat wag op elke stoel, ook na bredies en sjerrie, 'n vriendin se biltongsop en heerlike vet boeke om te lees!
Dan kan ek nie vergeet van my kat en my opkrul met genotvolle Kyknet programme, die brei of hekelwerk byderhand en natuurlik my altyd-teenwoordige inkleurboeke. Ek lief die kies van kleure vir prente, mandalas, modes of patrone.
Meimaand is verjaarsdag wat die keer'n gesellige pyjama sop en brood dalk ook 'n warm poeding inkleursessie gaan wees.... ja ek verwelkom die herfs!!
Terug na hierdie rusdag met sy lees en skryf en luister. Ek dwaal deur my ontspanningsvoorkeure - so lees ek die nuutste Taalgenoot tydskrif met sy vars en pragtige Afrikaans en deel ek verskeie gedagtes met my facebook vriende of praat ek met die Here in my joernaal. Streel ek die sagte lyf van my katmaatjie en bedink my solo-lewe. Ek waardeer die lekker van kies om te ry of the bly, te lees of te slaap, te skryf of in te kleur, die radio of die televisie. Dan verwonder ek my aan my veranderde ingesteldheid jeens Sondae alleen... die stiller geestelike en algemeen tevrede
voel.
En tog - diep onder in my hart voel ek daardie bekende opgewondenheid oor dinge, reise, mense wat nog kan voorle
My oppe en affe met die glaskas ( lees hysbak) Hier waar ek 'n viervlakkige huis met twee hondjies en die inwonende huishulp bly , is daar nou daagliks 'n ding in my lewe wat my amuseer ...en frustreer ! Sien, die leefarea -kombuis en tv-kamer is op vlak 2 en my slaapkamer met balkon is op vlak 4...en dan is daar ook vlak 3 waar jy kan kom tot by die hoofslaapkamer ...en dan - o genade is daar 'n diep donker gat waar die garage en laundry is op vlak G . Kyk mens kla nie oor vier vlakke as jy nie hoef gladde swart kliptrappe te klim nie, en dan ook nog 'n uitsig op Tafelberg en die stad het terwyl jy in die glaskas ry!! Nou, as leek in so 'n huis, het dit my nogal 'n ruk gevat om al die hysbak se nukke en grille uit te pluis...die eerste dag na ek óp na vlak 4 is om my goedjies te gaan neersit, toe wil ek weer afgaan na waar ek was, en druk so ewe G vir grondvlak.. maar wat toe gebeur is dit ...ek ry verby die woonve...
Comments
Post a Comment