Skip to main content
Sjoe ek leer nog hoe om die blog te doen.... so hier is nog vakansie dinge van die Overberg!

Na Struisbaai en die ligtoring by Agulhas is ons via Gansbaai na Hermanus- en daar herontdek toe die vakansie dorp met sy "boardwalk " al langs die see, die nuwe mall, die talle nuwe wonderlike winkeltjies en koffieplekke en Romantiques- daardie mekka van vintage en memorabilia. Natuurlik ook die gewone draai gemaak by Hemimgways, die wonderlike outydse boekwinkel- nou heelwat duurder as wat ek dit onthou... en raai wat - daar is toe nog 'n hele paar tweedehandse  boekwinkels. 
Een oggend het ek alleen deur die dorp geluier en kuier - eers die Burger gaan lees oor 'n koppie koffie en 'n muffin, met 'n uitsig oor Walkerbaai natuurlik! Deur boekwinkels en antieke winkels en die mark bokant die Ou Hawe gedrentel en toe ontdek ek Oscars- die oulikste deli/koffiewinkel. Hier sien jy 'n muurlange boekrak op ooghoogte , almal met skarings van rooi omslae- val heel goed op die oog... en jy mag browse en blaai. En jy sit teen mooi groot sagte kussimgs - sommige so in Franse toile en ander sommer lekker bont... en die tydskrifte is stylvol en interessant. Weer koffie en iets te peusel maar mens kry ook deli-kos- warm etes wat jy weeg soos by Woollies!! Hier is fotos: o ja en tapisseries aan die mure- ongewoon en mooi dink ek.

Comments

Popular posts from this blog

Hoe kry ek terugvoering oor wat ek skryf?

Dis 'n sopnat en koue dag in die Kaap- ek so pas terug van die pragtige Bishopsskool waar my kleinkind rugby gespeel het- ek in my dik rooi baadjie en rooi mus- hy kon my nie eintlik mis nie! Ja en nou is ek in my yskas van 'n huis, met 'n kombersie om my bene en 'n serp om my nek.... en ek wil so graag kommunikeer maar al die drade en konneksies is stil- te stil vir so 'n grys dag. Maar wag ,my lewe is mos 'n Fees en net ek kan dit so maak. So nou vir 'n lekker bekervol warm sjokolade, en weer my sëeninge tel!! Ek het heelwat gedoen in die week vandat ek terug is van my heerlike vakansie in Gauteng. Die liewe Gauteng met al my hartsmense... Ek het fotos afgelaai en op Facebook gesit,ek het dankie-eposse gestuur en van my nuwer gedigte getik- ek het gaan werk, ek het tww nuwe groepe van die U3A wat ek gaan fasiliteer nl Klassieke musiekwaardering, en 'n speletjies aand op een Vrydag in 'n maand . Dan doen ek ook 'n Kreatiewe Afrikaanse groep. Wan

Sports met 'n glaskas ryding...

My oppe en affe met die glaskas ( lees hysbak) Hier waar ek 'n viervlakkige huis met twee hondjies en die inwonende huishulp bly , is daar nou daagliks 'n ding in my lewe wat my amuseer ...en frustreer !  Sien, die leefarea -kombuis en tv-kamer is op vlak 2 en my slaapkamer met balkon is op vlak 4...en dan is daar ook vlak 3 waar jy kan kom tot by die  hoofslaapkamer ...en dan  - o genade is daar 'n diep donker gat waar die garage en laundry is op vlak G . Kyk mens kla nie oor vier vlakke as jy nie hoef gladde swart kliptrappe te klim nie, en dan ook nog 'n uitsig op Tafelberg en die stad het terwyl jy in die  glaskas ry!! Nou, as leek in so 'n huis, het dit my nogal 'n ruk gevat om al die hysbak se nukke en grille uit te pluis...die eerste dag na ek óp na vlak 4 is om my goedjies te gaan neersit, toe wil ek weer afgaan na waar ek was, en druk so ewe G vir grondvlak.. maar wat toe gebeur is dit ...ek ry verby die woonve

'n Huldeblyk aan die 100 jaar oue Kirstenbosch tuine!!

Wel aangesien Kirstenbosch vanjaar 100 jaar oud is, dink ek dit sal oulike wees om van my fotos van K hier op te sit! Ek weet nie hoekom die fotos dwars uitkom nie - en kan nie sien waar om dit reg te draai nie, Jammer.Die eerste fotos is van binne 'n hut geneem die tweede is by die Moya restaurant geneem, die derde een is een van die pragtige beelde in die tuin, en die laaste een is een van die poele water!! So mooi!